23 март куни Тошкент шаҳрининг Шевченко ва Нукус кўчалари туташган йўлда йирик ЙТҲ содир бўлди. Бу ҳақда Facebook'даги “Водители Ташкента” гуруҳи аъзолари маълум қилган, деб ёзади Qalampir.uz сайти.

Қора рангда бўлган Nissan Altima ва Captiva иштирокидаги йўл-транспорт ҳодисаси натижасида икки машинага ҳам жиддий зарар етган. Nissan Altima аввал Captiva’га, сўнг йўл четидаги тўсиқларга бориб урилган. Captiva эса мувозанатни сақлай олмай ағдарилиб қолган.

Воқеа жойига зудлик билан ЙПХ ходимлари етиб келган. ЙТҲ оқибатида ҳалок бўлганлар ва жароҳатланганлар ҳақида аниқ маълумотлар йўқ.