Япониянинг юртимиздаги элчихонаси «Ўзбеккино» Миллий агентлиги билан ҳамкорликда 25-27-март кунлари Республика Киночилар уйида юртимизда 11-маротаба «Япон киноси кунлари»ни ўтказади. Унда япониялик киноижодкорлар томонидан суратга олинган 5та бадиий ва 2та анимацион фильмнинг намойиш этилиши режалаштирилган. Бу ҳақда «Ўзбеккино» Миллий агентлиги матбуот хизмати хабар бермоқда.

Тадбирнинг очилиш маросимида Япониянинг Ўзбекистондаги фавқулодда ва мухтор элчиси Като Фумихико ҳамда «Ўзбеккино» Миллий агентлигининг бош директори Атабек Мусаевнинг иштирок этиши кўзда тутилган.

«Япон киноси кунлари» Кендзи Наканисининг «Гуллар мавсумидан сўнг» номли мелодрама жанридаги фильми билан бошланади. Ўрта асрлардаги самурайлар ҳақида суратга олинган мазкур фильм япон маданиятининг яна бир қиррасини аёл муҳаббати тимсолида очиб берган.

Фильмларнинг намойиши жадвали:
25 март
Катта зал: 18:00 – Очилиш маросими
«Гуллар мавсумидан сўнг» – «После сезона светов»
26 март
Пушти зал: 13:00 – «Олисдаги юлдуз овози» – «Голос далекой звезди» (аниме)
«Астробой» (аниме)
15:00 – «Сузувчилар» – «Пловси»
18:00 – «Хаттот қизлар» – «Девчонки – каллиграфи»
27 март
Пушти зал: 13:00 – «Асахияма зоопарки: Осмондаги пингвинлар» –
«Зоопарк Асахияма: Пингвины в небе»
15:00 – «Гуллар мавсумидан сўнг» – «После сезона светов»
18:00 – «Ҳамиша: Учинчи хиёбондаги оқшом» –
«Всегда: Закат на третей авеню»
Намойишларга кириш бепул. Фильмлар япон тилида, рус тилидаги субтитралари билан намойиш этилади.