Kickstarter электрон майдонида экологик соф ҳаво тозаловчи воситалардан бири сотувга қўйилди. Clairy гуллар солинадиган катта тувак кўринишида ясалган.

36 куб метр ҳажмдаги электрон тувакка экилган сансевиерия, спатифиллум ёки Бенжамин фикуси каби гуллар ишга туширилгач, 30 соатдан сўнг инсон саломатлигига ҳавф солувчи токсин ва бошқа зарарли моддаларни 80 фоизгача йўқ қилишга ёрдам беради.

Қурилманинг сири белгиланган мақсадни амалга ошириш учун тўпланган ҳаво гулларнинг илдиз тизими орқали ўтади (80-йиллар сўнгида NASA мутахассислари айрим ўсимликларнинг илдизлари ҳам барглар каби атмосферадаги зарарли моддаларни бартараф этишга қодирлигини аниқлашган).

Қурилмада фильтрни алмаштириб туриш талаб этилмайди. Clairy ичига ўрнатилган махсус датчиклар хона ҳарорати, намлиги ва ҳавонинг сифатини назорат остида кузатиб боради. Ўрнатилган Wi-Fi модули орқали кўрсаткичлар фойдаланувчи смартфонига юборилади.

Clairy қурилмасини етказиб бериш хизмати билан бирга 150 еврога сотиб олиш мумкин.