2015 йилда Ўзбекистонни 168,6 минг киши тарк этган, Ўзбекистонга эса 139,6 минг киши келган. Бу ҳақда Ўзбекистон республикаси давлат статистика қўмитаси маълумотларида келтирилган.

"Маълумотларга кўра, миграция қолдиғи 29 мингга камайган. 2014 йилда эса бу кўрсаткич 38,5 минг нафарни ташкил қилганди", дейилади хабарда.

Қайд этиш керакки, 2014 йилда мамлакатдан 183,8 минг киши чиқиб кетган, 145 минг киши мамлакатга кириб келганди.

2016 йилнинг 1 январь ҳолатига кўра Ўзбекистон доимий аҳолисининг сони 31 миллион 576,4 минг кишини ташкил қилди ва 1,8 фоизлик ўсиш қайд этилди.

Турли маълумотларга кўра, Ўзбекистоннинг 3 миллиондан ортиқ фуқароси дунёнинг турли давлатларида меҳнат фаолияти билан бўлиб турибди, шундан 2 миллионга яқини Россия ҳудудида.