РФИ раҳбари Виталий Мутко тадбиркор Алишер Усмоновга тегишли «Мегафон» компанияси билан ҳамкорлик бошлангани ҳақида маълум қилди. Томонлар 2018 йилгача битим тузишган.

Шартномани имзолаш маросими Москвадаги "Откритие Арена"да ўтказилган. Шартноманинг молиявий жиҳатлари ошкор қилинмаган.

«Мегафон»га миннатдорчилик изҳор қилмоқчиман. РФИ сиёсати бозорда катта обрўга эга бўлган ишончли компания билан ҳомийлик келишувига эришди. Бу шунчаки қўллаб-қувватлов эмас. Бу юқори стандартдаги қўшма ташкилотга айланишдир.

Бу шартнома нафақат пул ўтказмаларини ўз ичига олади. Биз хизматлар сифатини яхшилаш, мухлислар учун қўшимча хизматлар тақдим этиш устида ишлаймиз. Биз спортнинг, хусусан футболнинг оммалашувини оширишни истаймиз», — дейди Мутко.