«Барселона» жамоаси ёзда «Арсенал»нинг германиялик яримҳимоячиси Месут Ўзилни қўшиб олиши мумкин.

As нашри маълумотига кўра, немис футболчиси Испания чемпионатига қайтишни истамоқда. Хабарда унинг собиқ жамоаси «Реал»нинг ашаддий рақиби бўлмиш «Реал»га ўтиши қийин бўлиши истисно этилмаган. Футболчи 2013 йилда мадридликлар сафидан «Арсенал»га ўтганида шартномада баъзи бандлар киритилгани бунга сабаб бўлиши мумкин.

Хусусан, агар футболчини бошқа бир испан жамоаси ўз сафига қўшиб олмоқчи бўлса, «Реал»да бу таклифни тўхтатиб, Ўзилни ўз сафига қайтариб олиш учун 48 соат бўлади.

Бундан ташқари, агар футболчининг трансфери 50 миллион евродан ортиқни ташкил этса, мадридликлар бу маблағнинг 33 фоизига эгалик қилишлари мумкин.

«Барселона» «Реал»нинг янги футболчиларни трансфер қилиши бўйича қўлланган тақиқдан фойдаланиб, юқорида келтирилган шартларнинг биринчисидан қочишни мақсад қилган.

Иккинчи шартдан қочиш учун эса каталонияликлар Ўзилни ўзининг 3 футболчисига алмаштиришни режалаштирган. Қайд этилишича, Ўзил учун «Барселона» лондонликлар жамоасига Арда Туран, Мунир Эл-Ҳаддадий ва Сандро Рамиресни беришни режалаштирган.

«Арсенал» раҳбарияти шартномаси 2018 йилда якунига етадиган Ўзил билан келишувни чўзиш борасида музокаралар олиб бормоқда.