23 март куни Ташқи иқтисодий алоқалар, инвестициялар ва савдо вазирлигида Сингапурнинг Ўзбекистон Республикасидаги фавқулодда ва мухтор элчиси Зулфиқли бин Баҳаруддин билан учрашув бўлиб ўтди.

Учрашув чоғида икки давлат ўртасидаги ўзаро манфаатли савдо-иқтисодий, инвестициявий ва технологик ҳамкорликни кенгайтириш истиқболлари атрофлича кўриб чиқилди.

Шу билан биргаликда, томонлар Ўзбекистон Республикасида амалга оширилаётган ишлаб чиқаришни модернизация ва диверсификация қилиш, инфратузилмани ривожлантириш ҳамда хусусийлаштириш, замонавий корпоратив бошқарув услубларини тадбиқ қилиш ва юқори технологияларни жалб этишга йўналтирилган давлат дастурлари доирасида амалга оширилаётган инвестициявий лойиҳаларда етакчи Сингапур компанияларининг фаол иштирок этиши бўйича ўзаро келишилган чора-тадбирларни муҳокама қилишди.