Тунисда енгил атлетика бўйича Гран При туркумига кирувчи йирик халқаро турнир ўтказилмоқда. Мазкур мусобақада 21 давлатдан 300дан ортиқ спортчи иштирок этмоқда.

Мазкур нуфузли мусобақанинг дастлабки кунида уч нафар ўзбекистонлик спортчи 3та олтин медални қўлга киритди.

Жумладан, ядро улоқтириш баҳсларида энг юқори натижани енгил атлетиканинг (F12) классида 12.83 см.га улоқтириб, Бурханова София шоҳсупанинг энг юқори поғонасидан жой олган бўлса, Ахматханова Дилафрўз (F35) классида 7.88 см. натижа билан биринчи ўринни эгаллади.

Найза отиш бўйича ўтказилган баҳсларда Ўзбекистон шарафини ҳимоя қилган Свечников Александр 57.02 см.натижа билан олтин медални қўлга киритди.

Эндиликда ўзбекистонлик спортчилар 1500 м. масофага югуриш ва узунликка сакраш баҳсларида иштирок этишади.