АҚШ полицияси Жеймс Мейерсни қамоққа олди. Гап шундаки, у 2002 йилда ижарага олган видеокассетасини қайтармаган. Бу ҳақда Reuters хабар қилмоқда.

37-ёшли Мейерснинг айтишича, у қизини мактабга олиб бораётганда, тўхташ ишораси бузилгани сабаб ҳуқуқ тартибот ходимлари томонидан тўхтатилган. Унинг ҳайдовчилик гувоҳномасини ўрганиб чиққан ҳуқуқ посбонлари, 2002 йили Мейерсни ҳибсга олиш борасида кўрсатма бўлганини айтишган.

Маълум бўлишича, у Шимолий Каролина штати Солсбери шаҳридаги J&J Video ижара хизматига 2002 йилда олган “Йўқол сен, Фредди” филми видеокассетасини вақтида қайтармаган.

Конкорд шаҳри полиция департаменти Мейерснинг ҳибсга олинганини тасдиқлади.

Эндиликда, Жеймс ижарага олинган мулкни қайтармаганлиги боис маҳкама олдида жавоб беради. Суд бу ишни 27 апрелга тайинлаган.

Мейерс билан боғлиқ бу воқеа жаҳон ОАВи эътиборини тортди. Шунингдек, фильм қаҳрамони Том Грин ҳам хабарга ўз муносабатини билдириб, воқеага ишона олмаётганини айтган.