Мирзо Улуғбек номидаги Ўзбекистон Миллий университетида кенг кўламда модернизациялаш ишлари олиб борилмоқда.

Университет ректорининг ишлари ортгани ва у ўз офисида ҳамиша ҳам бўлмаслиги учун мурожаатчиларнинг шикоятини қабул қилиш ва ректорга етказиш мақсадида университет веб-сайтида виртуал қабулхона ташкил этилган.

ЎзМУ ахборот хизматидан маълум қилишларича, мурожаат этувчилар info@nuu.uz почтаси орқали ректорга боғланиб, тўғридан-тўғри у билан мулоқот қилиши мумкин.

Агар ректор қабулхонасига шахсий масала ёки таклиф билан келинганда, у билан шахсан учрашишнинг имконияти топилмаса, бу ҳолатда университет ректори қабулхонасига кириш жойида ўрнатилган компьютердан ректорнинг шахсий почтасига хабар қолдириш мумкин. Ушбу почта конфиденциал бўлиб, ҳар куни кечқурун ректорнинг шахсан ўзи ўқиб, мурожаатчилар қолдирган телефон ёки электрон почта орқали у билан алоқа ўрнатади.