Швейцария прокуратурасининг Россия бош прокурори Юрий Чайканинг ўғли Артёмнинг устидан олиб борган текширув жараёни ниҳоясига етди. Текширув Коррупцияга қарши курашиш фондининг раҳбари Алексей Навальнийнинг аризасига кўра амалга оширилган. 

«Коммерсантъ» нашрининг маълум қилишича, Артём Чайка Швейцарияда яшаш жойига эга, аммо унинг жиноят содир этгани тўғрисида ҳеч қандай далил-исботлар йўқ. Текширув 4 март кунида тугаллангани, ундан кейин Бош прокурор идораси Коррупцияга қарши кураш фонди ва Артём Чайкага чиқарилган қатъий қарор ҳақида хабар жўнатгани таъкидланди.

Адвокат Руслан Шумаковнинг маълум қилишича, Коррупцияга қарши кураш фондининг аризасидан сўнг Артём Чайка ўзи Грецияга хат билан мурожаат қилиб, бу мамлакатда амалга ошираётган ишлари қонунийлигини тасдиқловчи ҳужжатни қўлга киритди. Бу ўринда Чайканинг Халкидики яриморолидаги Portes Palace меҳмонхонаси, шу билан бирга Pomegranate Wellness Spa меҳмонхонасининг қурилиши назарда тутилган.

ККФда бу ишларни амалга ошириш учун ноқонуний воситалар кучга кирган бўлиши мумкинлигини айтишган. Чайка Piraeus Bank`дан келишувлар ҳисобини сўраб мурожаат қилди. Унга жавобан эса банк аризада кўрсатилган операцияларни амалга оширишда қонун доирасидан четга чиқмаган ҳолда ҳаракат қилинганини маълум қилди.

Алексей Навальнийнинг Коррупцияга қарши курашиш фонди Россия бош прокуратураси бошлиғи Юрий Чайкага доир ишни Европа инсон ҳуқуқлари суди орқали кўриб чиқишни режалаштирган эди. Фонднинг олиб борган тадқиқотига кўра, Чайканинг яқинлари, шу жумладан унинг икки ўғли ҳам кўплаб жиноий тизимларга алоқадор деб ҳисобланган. Чайка эса ўз ўрнида бу тадқиқотни "туҳмат" эканлигини айтди.