Аҳолини алдаб газ пуллаган амалдорнинг қинғир йўли тўсилди

Жамият 28 Март 2016 460

Ўзбекистон Республикаси Молия вазирлиги томонидан тасдиқланган тариф ставкаси бўйича 2012 йил 27 августдан 2014 йил сентябрь ойига қадар ҳар бир суюлтирилган газ аҳолига 225 сўмдан, 2014 йилнинг сентябрь ойидан 2015 йил февраль ойига қадар 310 сўмдан етказиб берилиши белгиланган эди. Лекин Жиззах вилояти, Дўстлик тумани “Дўстликтумангаз” филиали омбор мудири вазифасида ишлаб келган Адҳам Маматов ўз фаолияти давомида бу нархга амал қилмайди. Бу ҳақда “Ҳуқуқ” нашри ёзмоқда.

У фуқароларни алдаб, белгиланган нархнинг устига ҳар бир газ балони учун 2 минг сўмдан 5 минг сўмгача ноқонуний равишда қўшимча пул йиғиб олган. Бунинг натижасида 2013-2014 йиллар ва 2015 йилнинг бошида Дўстлик туманидаги “Қаҳрамон”, “Саритепа”, “Олтин водий”, “Бунёдкор” ва “Наврўз” маҳаллаларида яшовчиларга газ баллонларини ошиқча нархда сотиб, жами 12 млн 66 минг сўмлик ўзганинг мулкини фирибгарлик билан қўлга киритган.

Шунингдек, А.Маматов аҳоли билан пуллик ҳисоб-китобларни амалга оширишда тегишли қонун ҳужжатлари талабларига зид равишда фаолият юритди. У 2013-2014 йиллар ва 2015 йил январь-февраль ойлари давомида суюлтирилган газ савдосидан, кўрсатилган техник хизматдан ва бошқа тушумлардан келиб тушган 119 млн 364 минг сўм нақд пулларни назорат-касса машинасидан ўтказмасдан ёки солиқ идораларидан рўйхатдан ўтган, қатъий ҳисобот бериладиган ҳужжатлар ё ки бошқа тўлов қоғозларини бермасдан банк муассасасига топшириб келган.

Суд Адҳам Маматовнинг қилмишига иқрорлигини, етказилган зарарни тўлиқ қоплаганлигини инобатга олди ва унга нисбатан қонунда берилган чоралар кўрилди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 57732 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33364 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41103 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5049 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16859 Ўзбекистон
16 август куни Тошкентда юз берган йўл-транспорт ҳодисалари
11:50 3419 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 1086 Жамият
ОАВ: Россияда пластик пуллар пайдо бўлади
Кўпроқ янгиликлар