Наманганда Халқаро теннис федерацияси (ITF) мусобақалар тақвимидан жой олган ўсмирлар ва қизлар ўртасидаги турнирнинг жуфтлик баҳсларида ёш теннисчимиз Камола Умарова россиялик Камилла Раҳимова билан бирга бош совринни қўлга киритди. Бу ҳақда «ЎзА» хабар бермоқда.

Камола ва Камилла жуфтлиги биринчи даврада қозоғистонлик Милана Лисова ва беларуслик Катярина Пауленка, чорак финалда россиялик Валерия Деминова ва Дария Назаркина, ярим финалда россиялик Анна Уколова ва Екатерина Вишневскаяни мағлубиятга учратиб, финалга чиқди.

К.Умарова ва К.Раҳимова ҳал қилувчи баҳсда россиялик Варвара Кусина ва София Лансерга қарши кортга чиқиб 6:4, 6:0 ҳисобида ғалаба қозонди.