Футбол бўйича Россия терма жамоаси Франция терма жамоасига қарши ўртоқлик учрашувида иштирок этиш учун Парижга келиб жойлашган меҳмонхонаси кучайтирилган тартибда қўриқланмоқда.

ТАСС агентлиги берган маълумотга кўра, Renaissance Paris Hippodrome de St. Cloud меҳмонхонаси атрофида бир неча полициялар гуруҳи навбатчилик қилмоқда. Ҳуқуқни муҳофаза қилиш органлари автоматлар билан қуролланган.

Эслатиб ўтамиз, Россия ва Франция терма жамоалари иштирокидаги учрашув 29 март куни Парижнинг чекка ҳудудидаги Сен-Дени шаҳридаги Stade de France стадионида бўлиб ўтади.