Ўзбекистон Давлат статистика қўмитасининг ўтган йил натижаларига бағишланган ҳисоботида қайд этилишича, 2015 йили мамлакат қурилиш соҳасида 2014 йилга нисбатан 17,8 фоиз кўп маблағ ўзлаштирилган, яъни 25329,1 млрд сўмлик қурилиш-монтаж ишлари бажарилган.

Шулардан 79,2 фоизи янги қурилиш, қайта таъмирлаш, корхоналарни кенгайтириш ҳамда техник қайта жиҳозлаш ҳиссасига тўғри келади.

Нодавлат қурилиш ташкилотлари томонидан бажарилган ишлар 23812,4 млрд сўмни ташкил этиб, шу соҳанинг 94,0 фоизини ташкил этди.

Сув тармоқлари қурилишига жами 378,4 млрд сўм сарф этилган бўлиб, шундан республика бюджети маблағлари 185,3 млрд сўм (49 фоиз), хорижий сармоя ва кредитлар 167,8 млрд сўм (44,3 фоиз), аҳоли маблағлари ҳисобидан киритилган сармоя эса 21,7 млрд сўмни (5,8 фоиз) ташкил этди.

Корхона ва ташкилотлар томонидан бу соҳага киритилган сармоялар 1,6 млрд сўм (0,4 фоиз), бошқа молиявий манбаларнинг харажатлари 2,0 млрд сўмдан (0,5 фоиз) иборат бўлган.

Янги газ тармоқлари барпо этишга сарфланган харажатларнинг 100 фоизи, яъни 13,6 млрд сўмлик ишлар мижозлар ҳисобидан қопланган.