29 март куни Ўзбекистон ташқи ишлар вазири Абдулазиз Комилов Исроил Давлати Ташқи ишлар вазирлиги бош директорнинг биринчи ўринбосари Жереми Иссахаровни қабул қилди. Бу ҳақда Ўзбекистон Ташқи ишлар вазирлиги ахборот хизмати хабар берган.

Жереми Иссахаров Тошкент шаҳрига Ўзбекистон ва Исроил ўртасидаги сиёсий маслаҳатлашувларнинг навбатдаги раундида иштирок этиш учун Исроил ТИВ делегацияси раҳбари сифатида ташриф буюрган.

Суҳбат чоғида Ўзбекистон ва Исроил кун тартибининг долзарб масалалари, ҳамда халқаро ва минтақавий муаммолар бўйича фикр алмашилди.

Учрашувда Исроил элчиси Кармела Шамир қатнашган.