Англияда 9-дивизиони доирасида «Слифорд Таун» ва «Бостон Таун» жамоалари ўртасида кечган учрашув вақтида қизиқарли ҳодиса юз берди.

Маълум қилинишича, ўйин бошлангач «Слифорд Таун» жамоасининг захирада қолган футболчиси жамоа твиттери орқали ўйинни шарҳлаб, онлайн-трансляция қила бошлаган.

Лекин ўйиннинг иккинчи тайми давомида трансляция тўхтаб қолган. Бунинг сабаби кейинроқ маълум бўлди.

«Трансляциядаги узилиш учун узр. Мен Милларднинг ўрнига майдонга тушиб, ўйинга қўшилишимга тўғри келди», деб ёзади у твиттерда.

У ўйинга тушишидан аввал мезбонлар 3:1 ҳисобида олдинда борган. У ўйинга қўшилгач, мезбонлар устунликни бой беришган ва ўйин 3:3 ҳисобида якунланган.