Mobile эълонлар хизматида бор-йўғи уч нусхада чиқарилган Lamborghini Veneno купеси иккинчи бор сотувга қўйилгани хабар қилинди.

Март ойининг бошида “2” серия рақами остидаги яна бир Veneno автомобили деярли ўн миллион евро миқдорида сотувга қўйилганди.

Суперкар сотувга эгаси эмас, балки немис компанияси Investment Cars томонидан қўйилган. Бу автомобиль “1” серия рақамига эга бўлиб, ундан бор-йўғи 100 км масофагача фойдаланилган.

2013 йил модель илк бор Женевада намойиш этилганида, унинг нархи 3,1 миллион еврони ташкил этган.

Купе 750 кучли ўн икки цилиндрли 6.5 двигател ва роботлаштирилган трансмиссия билан жиҳозланган. Биринчи “юзлик”да 2.8 секундни йиға олади. Унинг максимал тезлиги соатига 355 километрни ташкил қилади.