Москвада талончилар гуруҳи "Торговый Городской Банк"ига ўғирликка тушишди. Уларнинг жабрланувчиларидан бири «Муз-ТВ» телеканали директори Арман Давлетяров экани маълум бўлди.

Хабар қилинишича, унинг банкдаги ячейкасидан 600 минг евро миқдоридаги пул ва тақинчоқларни, шунингдек ҳужжатларни олиб кетишган. Давлетяров бу талончилик бўйича полицияга мурожаат қилган.

Ҳуқуқни муҳофаза қилиш органларига, Арбат кўчасидаги ушбу банкнинг яна 2 мижози ўзларининг талангани бўйича хабар қилишган.

Бундан олдинроқ, Москвада банкларда талончилик қилиш билан шуғулланаётган жиноий тўда пайдо бўлгани, улар "Торговый Городской Банк"дан ташқари, "Генбанк" ва "Образование" банкига ҳам тушишиб, жами 2,5 млн евродан ортиқ пулни ўғрилашгани ҳақида хабар берилганди. Улар "Торговый Городской Банк"дан 2 млн евро олиб кетишган.