Тошкент шаҳридаги 15-оилавий поликлиникани янги асбоб-ускуналар билан таъминлашга 130 млн. сўм ажратилди

Жамият 30 Март 2016 1902

Пойтахтимизнинг Олмазор туманидаги 15-оилавий поликлиникаси замонавий тиббий жиҳозлар билан таъминланган. Бу ерда ташхис қўйиш, бирламчи тиббий ёрдам кўрсатиш, даволаш, эмлаш ишлари ўз вақтида сифатли амалга оширилмоқда. Бу ҳақда «ЎзА» хабар бермоқда.

“Соғлом она ва бола йили” Давлат дастурига мувофиқ ҳомиладор аёлларни асраб-авайлаш, ёш оналар ва болаларни парвариш қилишга алоҳида эътибор қаратилмоқда. Хотин-қизлар, оила қураётган йигит-қизлар чуқурлаштирилган тиббий кўрикдан ўтказилмоқда. Санитария-гигиена соҳасидаги ишларни кучайтириш, тўғри овқатланишни тарғиб этиш бўйича тарғибот-тушунтириш ишлари олиб борилмоқда.

– Поликлиникамиз ўнта маҳалла аҳолисига хизмат кўрсатмоқда, – дейди оилавий поликлиника бош шифокори Ш.Турсиметова. – Касалликларнинг олдини олиш ва оилаларда тиббий маданиятни ошириш фаолиятимизнинг устувор йўналиши ҳисобланади. Аҳоли, жумладан, фертиль ёшдаги аёллар, болалар ва ўсмирлар саломатлигини мустаҳкамлаш мақсадида ҳар ойда чуқурлаштирилган тиббий кўриклар ўтказилмоқда. Муассасамизни таъмирлаш ва янги асбоб-ускуналар билан таъминлаш учун жорий йилда 130 миллион сўм маблағ ажратилди.

Туғиш ёшидаги аёллар мунтазам тиббий кўрикдан ўтказилаётгани натижасида экстрагенитал касалликлар эрта аниқланиб, ўз вақтида даволанмоқда. Ҳомиладорларга тиббий ёрдам кўрсатиш бўйича оила шифокори, патронаж ҳамшира ва тиббиётнинг ўндан кўпроқ йўналиши бўйича мутахассислар ҳамкорлиги йўлга қўйилган. «Соғлом бола» хонаси, «Ёш оналар» мактаби ҳам ташкил этилган. Бу мактабларда оила шифокори бўлажак оналарга рационал овқатланиш, гигиена, туғруққа тайёрлаш ҳамда туғруқдан кейинги бола парвариши борасида машғулотлар олиб бормоқда.

Оилавий поликлиника шифокорлари соғломлаштириш тадбирларини ташкил этишда маҳалла билан доимий ҳамкорлик қилмоқда.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар