Англиянинг «Манчестер Сити» клуби ҳужумчиси Вилфрид Бони келгуси мавсумдан бошлаб фаолиятини бошқа бир инглиз жамоаси «Вест Ҳэм»да давом эттириши мумкин.

The Telegraph берган хабарда ёзилишича, «шаҳарликлар» 27 ёшли ивуарлик футболчини сотиб юборишни истамоқда. Футболчининг трансфер нархи 20 миллион фунт стерлингга баҳоланган.

Аммо унинг «Вест Ҳэм»га ўтишига Манчестерда оладиган 100 минг фунт ҳафталик маоши халақит қилиши мумкин. Лондонликлар бунча миқдордаги ойликни Бонига беришмоқчи эмас.

«Вест Ҳэм» Бонидан ташқари «Марсель»дан Миши Батшуайини сотиб олишга ҳам ҳаракат қилиб кўради. Шунингдек клуб рўйхатидан Кристиан Бентеке («Ливерпуль») ва Александр Лакасетт («Лион») ҳам ўрин олишган.

Эслатиб ўтамиз, «Сити» Бонини ўтган йил қишда «Суонси»дан 30 миллион фунт эвазига сотиб олганди.

Бундан олдинроқ, жамоа етакчиларидан бири Яя Туренинг агенти жамоа раҳбариятидан шартномани узайтириш борасида таклиф билдирилмаётгани, эндиликда ўз мижозига янги жамоа қидиришни бошламоқчи экани ҳақида айтиб ўтганди.