«Ювентус» жамоаси ва Италия термаси дарвозабони Жанлуиджи Буффон футболчилик фаолиятини қачон якунлаши ҳақидаги саволга жавоб қайтарди.

«Мен яна 2 мавсум футбол ўйнамоқчиман. Кейин эса кетаман. Мен 40 ёшдан кейин ўйнашни истамайман.

Менга 2 баробар маош тўлашадиган бўлишса ҳам, ҳамиша «Юве»да қолганман. Мен учун бу жамоада бўлиш шараф. «Ювентус» – бу ҳаётимнинг бир қисми. Гарчи бугунги кунда бу гап у қадар жарангдор эшитилмасада.

Мен бу жамоада улкан тажриба тўпладим, лекин мураббий бўлмоқчи эмасман. Менга селекционер бўлиш ёқади. Мен АҚШга ёки Хитойга йўл олиб, у ерлардаги иқтидорларни кузатишни истайман.

Мен ўз олдимга ниманидир мақсад қилиб қўядиган бўлсам, уни бажармагунимча тўхтамайман. Мақсадсиз ҳаётни тасаввур эта олмайман», – дейди Буффон.

Буффон туринликлар жамоаси сафида 8 марта Италия чемпиони бўлган ва 1 марта мамлакат кубогини қўлга киритган. У Италия терма жамоаси билан жаҳон чемпионлигига эришган.