Солиқ, валютага оид жиноятларга ва жиноий даромадларни легаллаштиришга қарши курашиш (СВОЖЖДЛҚК) департаментининг Оҳангарон туман бўлими ҳамда туман прокуратура ходимлари билан ҳамкорликда фуқаролар З.Акимов ва Ш.Дўстматова ларнинг (исм-фамилиялар ўзгартирилган) аризалари юзасидан ўтказилган тадбирда хусусий уй-жой мулкдорлар ширкатларидан бирининг раиси М.Пардаев тумандаги бир хонадонни фуқаро А.Солиҳова номига расмийлаштириб бериш эвазига улардан 700 АҚШ доллари олган вақтда ашёвий далил билан ушланган. Бу ҳақда “Ҳуқуқ” нашри ёзмоқда.

М.Пардаев, ўз навбатида, хонадонларни расмийлаштириш учун фуқаролардан олган пулдан туман ҳокимлиги ҳузуридаги уй-жой бўлими бошлиғи вазифасини бажарувчи А.Бурхоновага бериши лозимлигини баён қилган. Кўп ўтмай, А.Бурҳонова ҳам ўз хизмат хонасида М.Пардаевдан 600 АҚШ долларини олган вақтда ушланди.

Мазкур ҳолат юзасидан ЖКнинг тегишли моддалари билан жиноят иши қўзғатилди ва суд томонидан айбдорларга нисбатан жазо тайинланди.