"Мерседес"нинг германиялик пойгачиси Нико Росберг чўкаётган болани сувдан олиб чиқди, деб хабар беради Autosport.

Манба воқеанинг икки ҳафта аввал Монакода юз берганлигини маълум қилди. Пойгачи қирғоқда сайр қилаётиб, 5 ёшли боланинг сувга қулаётганининг гувоҳи бўлган. Росберг ўзини сувга ташлаган ва болани қирғоққа олиб чиққан.

Пойгачининг ўзи воқеани изоҳлашдан бош тортди, бироқ спортчининг менежери содир бўлган воқеани тасдиқлади.