2016 йил 1 апрель куни Тошкент шаҳрида Ўзбекистон Республикаси Олий Мажлиси Сенатининг бешинчи ялпи мажлиси ўз ишини давом эттирди.

Сенат Ўзбекистон Республикаси Конституциявий суди таркибига ўзгартиш киритиш тўғрисида қарор қабул қилди. Бу ҳақда Ўзбекистон Республикаси Олий Мажлиси Сенати раиси Н. Йўлдошевга асосланиб, УзА хабар берган.

Қарорга мувофиқ, Хусанова Фатима Усмановна Ўзбекистон Республикаси Конституциявий судининг судьяси этиб сайланди.

Ушбу Қарор қабул қилинган кундан эътиборан кучга кирди.