Россиялик таниқли актриса ва телебошловчи Анастасия Заворотнюк яқин орада ўз юбилей маросимини нишонлайди: бироқ у ўзининг 45 ёшини кўп миллионли қарзлар билан кутиб олади. Сўнгги вақтларда Анастасиянинг оиласига молиявий қийинчиликлар ҳамроҳлик қилмоқда.

2009 йилнинг ўзида Заворотнюк Қримда муз учиш майдонини қурдирган эди: у бу ишни турмуш ўртоғи, фигурали учиш устаси Пётр Чернишевга бағишлаб амалга оширган. Бу режадаги иш ортидан анчагина зарар кўрилгани маълум бўлди ва олинган қарзлар тез орада катта қийматга айланиб кетди.

Уч йилдан сўнг актриса ўз оиласига уй сотиб олиш учун 537 минг доллар миқдорида кредит олди. Белгиланган маблағни ўз муддатида тўлай олмагани учун 2014 йилда банк Анастасияни судга берди.

«Комсомольская правда» нашрининг хабар беришича, айни дамда актриса банк ҳисобига 27 миллион рубль қарзини қайтариши лозим. «У кредит олганида банкка мол-мулкининг бир қисмини – уйи, машинаси, дала ҳовлисини гаровга қўйган. Бу кўчмас мулк банкдан кредитга олинган пулнинг 15 фоизини қоплайди. Банк унинг қарзи эвазига бор мол-мулкни тортиб олиши мумкин. Бироқ актриса қарзларини секин-аста – бўлиб тўлашга қарор қилди», – дейди дейди суд ижрочилари.

Шундай молиявий қийинчиликларга қарамай, Анастасия Заворотнюк аввалгидек энг талабгир актрисалардан бири саналади. Яқиндагина Александр Васильев унинг услубини танқид остига олган эди.