Каталониянинг «Барселона» клуби президенти Жозеп Бартомеу жамоа ҳужумчиси Неймарга бўлаётган бошқа клубларнинг қизиқиши борасида гапириб ўтди.

«Биз ҳеч кимга Неймар билан музокаралар олиб бориш учун рухсат берганимиз йўқ, Ҳаттоки уларнинг ўта жиддий тарзда қизиқаётган бўлса ҳам. У фаолиятини «Барселона»да давом эттиради.

Биз ҳар доим ёш футболчиларни таркибимизга эркин агент сифатида келишини истаганмиз. Неймарнинг «Сантос» билан тузган шартномаси 2014 йилда тугарди ва шундан кейин у сафимизга келиб қўшилган бўларди. Бизга «Сантос» билан музокара ўтказиш шарт эмасди, айнан мана шу сабаб биз унинг отасига мурожаат қилганмиз.

Мураббий Неймарни жаҳон чемпионатига қадар олишни истади. Агар чемпионат тугагач у сафимизга қўшилганида бизга текинга тушган бўларди. Агар «Сантос» билан шундай муаммо бўлишини олдиндан билганимизда ҳам Неймарни яна бир марта сотиб олиш керак бўлса, сотиб олган бўлардик.

Тез орада бу иш ўз интиҳосини топади деган умиддаман. Неймарнинг шахсан ўзи «Барселона»да ўйнашни истаган. Неймарнинг отаси Бразилия бозоридаги энг самарали трансферни амалга оширишимизда кўмаклашган шундай ишлашда давом этмоқда. У мамлакатдаги иқтидорларни кузатиб боради», – дея таъкидлаб ўтган Бартомеу.