Хитойлик Ли Йухонг 15 йилдан буён шифокорлик қилиб минглаб одамларга ёрдам беради. Нима бўпти? Фидокор докторлар жуда кўп, дейишингиз мумкин. Бироқ қаҳрамонимизнинг иккала оёғи ҳам йўқ...

Бахтсиз тасодиф туфайли боғчага кетаётган 4 ёшли қизалоқни катта йўлда юк машинаси уриб юборади. Оёқларидан айрилган қиз 8 ёшида кичик курсичалар ёрдамида “юриш”ни ўрганади.

Шундан буён шифокор бўлиш орзусига етишиш учун қатъият ва сабр билан ҳаракат қилади.

Ҳозир Ли 37 ёшда ва у 15 йилдан буён дардларга малҳам улашади.

У ўзининг ва қўшни қишлоқда яшовчи 300 хонадонда истиқомат қилувчи 1 000 нафар одамга тиббий ёрдам кўрсатади.

У турмушга чиққан Ксинг исмли йигит уй ишларини юритиш ва ўзи келолмайдиган беморларнинг уйига етиб олишда хотинига кўмаклашиш учун ўз ишидан воз кечган. Ксинг баъзан хотинини қўлларида кўтариб юради.

Жасур аёл – Ли ўз ишини яхши кўргани туфайли бахтиёр эканини айтади.