«ПСЖ» ҳимоячиси Тиаго Силва ўз жамоадоши Златан Ибраҳимовичнинг Миландаги ҳангомалардан бирини эслади.

«Бу тарихнинг бош қаҳрамони – Златан. Бу иш «Милан»да бўлиб ўтганди.

Кунлардан бирида Гаттузо бутун машғулот давомида Ибраҳимовичнинг жиғига тегди. У Златанни ҳадеб тепар, лекин Златан жавоб қайтармасди. Унинг қасоси бироз кейинроқ бўлди.

Машғулотлардан кейин, кийим алмаштириш хонасида Ибраҳимович ва Гаттузо юзма-юз келиб қолишади. Златан эса ўзини хафа қилган Женнарони даст кўтариб, унинг юзини бурчакдаги чиқинди ташланадиган идишга қаратиб қўйганди.

Бу жуда қизиқ воқеа эди, барчамиз кулишни бошладик, Женнаронинг юзини тасаввур қилиб кўринг. Онт ичишим мумкинки, мен ўшанда 1 ҳафта давомида бу ҳазилни эслаб кулиб юргандим», – дейди Силва.