Audi компанияси янгиланган А3 оиласини тақдим этди. Янгиланишлар беш эшикли, уч эшикли хэтчбекда, седанда, кабриолетда, шунингдек, S3 нинг “қувватланган” вариантида амалга оширилди.

A3 нинг ташқи кўриниши у даражада ўзгартирилмади: модель янги шаклли фараларга эга бўлди. Моделнинг интерьерини ўзгартириш унча машаққат талаб этмаган. Фақатгина Virtual Cockpit 12,3 дюймли асбоблар панели ўрнатилган. Бундан ташқари, MMI мультмедия менюст ўзгартирилган.

Машиналар янги ранглар билан ҳам “безатилди”: Ara ва Cosmic ҳаворанг, Nano кулранг, Tango қизил ва Vegas сариқ тусга кирди.

Ўз навбатида, мотор қисми ҳам янгиланишга эга бўлди. Буларга уч цилиндрли 115 от кучига эга 1,0 литрли ва 190 от кучига эга 2 литрли бензин агрегатини мисол келтириш мумкин. Бундан ташқари, S3 версиясининг қуввати 300 дан 310 от кучига кучайтирилди.