Электр ҳисоблагичлари Uzmobile сим-карталари билан жиҳозланиши мумкин

Ўзбекистон 06 Апрель 2016 759

Uzmobile мобиль алоқа миллий оператори ва "Ўзбекэнерго" компаниялари Ўзбекистонда электр энергия сарфини ҳисоблашнинг автоматлаштирилган тизимини яратишда (ЭЭСҲАТ) биргаликда ишлаш имкониятини муҳокама қилмоқдалар, деб хабар берди компаниядаги манба Sputnik нашрига.

Бугунги кунда мобиль оператор "М2М" тариф режасини ишга туширди, у ЭЭСҲАТга уланган объектлар учун оптимал ечим бўлиши мумкин. Бу ечим мониторингнинг автоматлаштирилган механизми доирасида энергия захиралари сарфи ҳақидаги ҳимояланган маълумотларни узатишни кўзда тутади.

"Биз ҳақиқатан ҳам "Ўзбекэнерго" билан ЭЭСҲАТ тизими ҳисоблагичларини сим-карталар билан жиҳозлаш бўйича музокаралар олиб бормоқдамиз. Куни-кеча бу лойиҳа доирасида ўзаро ҳамфикрлик меморандуми имзоланди, энди иш техник босқичга ўтади. Кўп нарса энергетикларнинг ўзига боғлиқ бўлади, ҳозирда улар электр энергияни ҳисобловчи қурилмаларни етказиб берувчини аниқлаш бўйича тендер натижаларига якун ясашмоқда ва шундан кейин тўлиқ маълумот бера олишади", деб айтди компания вакили.

"Ўзбекэнерго" тармоқ имкониятлари ва миллий оператор сим-карталари имкониятларининг бир қатор синовларини ўтказди. Суҳбатдошнинг айтишича, миллий оператор энергетикларга махсус сим-карталар таклиф қилишди, бу сим-карталар -40 градусдан +40 градусгача ҳарорат ўзгаришларида ҳам ишлай олади.

Бундан ташқари, синовлар ҳам GSM стандартидаги, ҳам CDMA-450 EV-DO тармоғидаги сим-карталар билан ўтказилди. CDMA-450 EV-DO тармоғидаги сим-карталар GSM билан муаммолар бўлган чекка ва бориш қийин бўлган ҳудудларда ишлатилади. Яқин орада томонлар аниқ келишувларга келиб, лойиҳанинг асосий босқичига ўтадилар.

Ўзбекистонда 2019 йилнинг охиригача Осиё, Ислом ва Жаҳон банклари кредитлари ҳисобига электр энергия сарфини ҳисобловчи замонавий қурилмаларни ўрнатиш бўйича 3 та йирик лойиҳани амалга ошириш режалаштирилмоқда. Бу лойиҳаларнинг умумий қиймати 460 млн доллардан кўпроқни ташкил қилади. Натижада мамлакатнинг 9 та вилоятида замонавий электр сарфи ҳисоблагичлари ўрнатилади. Бу ҳисоблагичлар реал вақт режимида операторларга электр энергияни узатиш ва ҳисоблашни назорат қилиш имконини беради.

Кун янгиликлари
Талаба бўлишни истаганлар учун институтга бепул тайёрланиш имконияти яратилди
09:18 10462 Lifestyle
Ҳафта дайжести: Мирзиёевнинг Тошкент вилоятига ташрифи, солиқ соҳасидаги янгиликлар, гўшт ва унинг нархи, партиялар ХПКда...
23:47 / 23.07.2017 17428 Жаҳон
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 79204 Жамият
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 97829 Жамият
Кобулдаги портлаш оқибатида қурбон бўлганлар сони ортиб бормоқда
13:45 2 Жаҳон
«Челси» ўз футболчиси туфайли Хитой халқидан узр сўради (фото)
13:32 780 Спорт
Электрон рақамли имзони “Ягона дарча” орқали олиш мумкин бўлади
Шаҳар ҳокими лавозимини эгаллаган мушук ҳаётдан кўз юмди 
13:23 1087 Жаҳон
МАК Ўзбекистонда илк бор учувчиларни тайёрлайди
Имомали Раҳмон Шавкат Мирзиёевни юбилей билан табриклади
Кўпроқ янгиликлар