2 апрель куни Ўзбекистонда хизмат кўрсатган артист Аваз Олимов тўнғич ўғли Жавлон Олимовни уйлантирган. Бу ҳақда Умар Шамсиев, “Афруз” гуруҳи аъзолари ва Фаррух Комилов каби эстрада олами вакилларининг ижтимоий тармоқларда жойлаштирилган суратларга асосланиб, qalampir.uz хабар берган.

Маълум қилинишича, тўй 2 апрель куни Тошкент шаҳридаги “Чароғон” ресторанида бўлиб ўтган.

Хабарда айтилишича, тўйда Ўзбекистон халқ артистлари Озодбек Назарбеков, Фаррух Зокиров ҳам меҳмон бўлган ва улар биргаликда бир саҳнада дуэт ҳам куйлашган.

Маълумот учун, 5-6 йил аввал отасининг изидан бориб, хонандаликни бошлаган Жавлон Олимов “Айёра”, “Мана шундай” номли қўшиқлари билан чиқишлар қилган.