Буюк Британиядаги The Slow Mo Guys видеоблогерлари огнемётнинг (ўтсочар қурол) олов пуркашини секинлаштирилган ҳолда суратга олишди.

Ўтсочар восита иштирокчилар аввалдан тайёрлаб қўйган ёқилғи баллони ва газли баллондан иборат.

Ўтсочарни синаб кўраётган довюрак йигит хавфсизлик учун махсус кийим, балаклава, кўзойнак ва қўлқоп кийиб олган.

Видеода йигитнинг очиқ жойда огнемёт ушлаб туришини кўриш мумкин. Жараённинг яна бир қатнашчиси хавфсиз масофадан туриб жараённи видеотасвирга олган.

 

Бу The Slow Mo Guys блогерларининг олов билан биринчи марта ўйнашиши эмас. Олдин улар фейерверклар ҳам “ясашган” ва оловли торнадо ҳосил қилишган.