«Лестер» жамоаси бош мураббийи Клаудио Раньери матбуот талқинига кўра мавсумнинг энг яхши италиялик мураббийи учун таъсис этилган Энцо Беарзот номидаги мукофотга муносиб кўрилди.

Винченцо Беарзот Италия терма жамоасини 1982 йилги жаҳон чемпионлигига бошлаб борган таниқли мураббий бўлган. У 2010 йилнинг декабрида вафот этгач, унинг номи билан мураббийлар учун мукофот таъсис этилганди.

Беарзот мукофоти ўтган йилларда қуйидаги мураббийларга берилганди: Чезаре Пранделли (2011), Вальтер Мадзарри (2012), Винченцо Монтелла (2013), Карло Анчелотти (2014) ва Массимилиано Аллегри (2015).

Раньери бошқарувидаги «Лестер» жамоаси мавсум якунига 6 тур қолган вақтда энг яқин таъқибчисини 7 очкога ортда қолдирган ҳолда АПЛ турнир жадвалидаги биринчи ўринни эгаллаб турибди.