"Оскар" мукофоти лауреати, америкалик актриса Энн Ҳэтэуэй ўғил фарзанд туққан. Бу ҳақда ўз манбасига асосланган ҳолда E! News хабар берган.

Актриса 24 март куни Лос-Анжелесда фарзандлиги бўлгани, туғилган чақалоққа Жонатан Роузбэнкс исми берилгани, у ва турмуш ўртоғи Адам Шульман бу янгиликни 2 ҳафта мобайнида ОАВдан сир сақлаб келгани маълум қилинди.

Жуфтликнинг биринчи фарзанди мутлақо соғлом экани ва Лос-Анжелесда, оила даврасида экани айтилган.

Актриса ўзининг ҳомиладорлигини оммадан яширмаганди ва яқинда она бўлишини хурсандчилик билан маълум қилганди.

Актриса Адам Шульман билан 2008 йилдан учраша бошлаган. Улар 2011 йилда унаштирилганликлари ҳақида маълум қилишган. Жуфтлик 2012 йилнинг 29 сентябрида Калифорниядаги Биг-Сюр шаҳарчасида никоҳдан ўтишди.

Энн Хэтэуэй актёрлар оиласида дунёга келган ва болалигидан роллар ижро эта бошлаган. Унга илк машҳурликни 2001 йилда суратга олинган "Маликанинг кундалиги" фильми келтирган.

Хэтэуэй 2013 йилда Виктор Ҳюго романи асосида суратга олинган "Қувилган" мюзиклида Фантина роли ижроси учун "Иккинчи пландаги энг яхши актриса" номинациясида "Оскар"га сазовор бўлганди.