8 вазн тоифасида собиқ жаҳон чемпиони, филиппинлик супербоксчи Мэнни Пакьяо ўрта вазн тоифасида WBO International чемпиони унвони учун америкалик Тимоти Брэдлини мағлуб этди. Бу ҳақда "Р-Спорт" нашри хабар бермоқда.

9 апрелда Лас-Вегасда бўлиб ўтган жанг ҳакамларнинг якдил қарори билан филиппинлик чарм қўлқоп устаси фойдасига якунланди.

Рақиблар рингда учинчи бор тўқнашишди: 2012 йилда Брэдли, 2014 йил апрелида Пакьяонинг қўли баланд келган эди.

Брэдли билан навбатдаги жанг Пакьяонинг 2015 йил май ойида америкалик боксчи Флойд Мэйуэзердан мағлубиятидан кейинги биринчи жанги бўлди.

37 ёшли Пакьяо учун бу ғалаба 58-ғалаба бўлди. Боксчининг ҳисобида, шунингдек, 6 та мағлубият ва 2 та дуранг жанг бор. 32 ёшли Брэдли 33 та ғалаба, битта дуранг ва битта мағлубиятдан кейин яна битта мағлубиятга учради.

Брэдли билан жанг Пакьяо учун профессионал рингдаги охирги жанг бўлди. Боксчи кейинги ҳаётини сиёсат билан боғламоқчи. Айни вақтда у Филиппин сенатига май ойида бўлиб ўтадиган сайловларга номзодини қўйган.