«Юлдузлар жанги: Кучнинг уйғониши» фильми MTV версиясига кўра, йилнинг энг яхши фильми сифатида тақдирланди. Бу ҳақда MTV Movie Awards тақдимотидан репортаж уюштирган Justjared хабар берган.

MTV талқинига кўра, Леонардо ДиКаприо «Омон қолган» фильмидаги ижроси учун йил актёри, Шарлиз Терон эса «Телба Макс: Ғазаб йўли» фильмидаги ижроси эвазига йилнинг энг яхши актрисаси сифатида тақдирланган.

Телеканали талқинига кўра, йил фильми сифатида эътироф этилиш учун «Тафаккур: Альтрон эраси», «Крид: Рокки авлоди», «Дэдпул», «Юра даври дунёси» ва «Очлик кўчаси» фильмлари даъвогар бўлганди.

«Юлдузлар жанги» эпопеясининг еттинчи фильми келтирган даромади бўйича (2 млрд доллар) учинчи ўринни эгаллаб турибди. Кино тарихида энг даромадгир картиналар сифатида Жеймс Кэмероннинг «Аватар» (2,78 миллиард доллар) ва «Титаник» (2,18 миллиард доллар) фильмлари қолмоқда.