«Ливерпуль» жамоаси бош мураббийи Юрген Клопп АПЛнинг 33 турида «Сток Сити»га қарши кечган ва 4:1 ҳисобидаги ғалаба қайд этилган учрашувдан кейинги фикрларини билдириб ўтди.

Бошланғич таркибдаги 7 ўзгариш ҳақида

Бугун мен чинакамига ғурурлансам арзийди. Биз таркибдаги бир қатор ўзгаришлар билан ўйинни бошладик ва одатдагидан бутунлай бошқача таркиб билан ўйнадик. Жамоанинг асосий таркиб футболчилари толиқишган ва ротация қилиш зарурати юзага келганди.

Рақибнинг голи ҳақида

«Сток Сити» 70-80 фоиз ҳужумларини баланд бўйли Краучга тўп узатиш орқали амалга оширмоқчи бўлди, лекин биз уларнинг бу режасига тайёр эдик. Биз ўйин давомида ақл билан ҳаракат қилдик.

Танаффус вақтида улар урган голни кўрдим ва қаерда хато қилганимизни ўрганмоқчи бўлдим. Бу вазиятда Шкртелни ёпиш учун унга нисбатан қоида бузилиши амалга оширилган экан.

Орижининг ўйини ҳақида

Дивок ҳали жуда ёш ва биз унинг яна ўсишини кутишимиз керак. Эҳтимол, келгусида у Старриж билан тандем бўлар. Умид қиламанки, биз кейинроқ 2 ҳужумчи билан ҳаракат қила бошлаймиз. Олдинда ҳали ўйинларимиз кўп.