Buyuk Britaniyada dunyoda ilk bor tanovul qilish mumkin bo‘lgan nikoh ko‘ylagi yaratildi. Bu haqda Metro nashri xabar berdi.
Uni tayyorlash uchun 300 soat vaqt kerak bo‘ldi. Ko‘ylakning bo‘yi 2 metrni, og‘irligi esa 75 kilogrammni tashkil etdi.
Ko‘ylakni yaratishda mashhur haykaltarosh-qandolatchi Silviya Elba, Fun N Funky Cakes kompaniyasi asoschisi Ivett Marner va rassom Ilinka Rnich qatnashishdi.
Ular ming dona yeyish mumkin bo‘lgan vafli varaqlaridan, 35 kilogramm meva shirasi va 3 kilogramm tort uchun to‘rlardan foydalanishdi.
Ko‘ylakni London shahrida 16 va 17 aprel kuni bo‘lib o‘tadigan xalqaro qandolatchilar ko‘rgazmasida ko‘rish mumkin.
