Бир неча асрлардан бери одамлар дунё бўйлаб саёҳат қилишлари учун қулай ва ишончли транспорт воситаларини яратишга интилишади. Ўз вақтида аравалар, паравозлар, велосипедлар, кейинроқ эса автомобиллар ва самолётлар ўйлаб топилган.

Замонавий транспорт воситаларида куни билан саёҳат қилиш, ҳаттоки узоқ бўлган масофаларни босиб ўтиш мумкин. Аммо ҳозирги кунда уларнинг нархи ва манзилга етказиб қўйиш учун кетказадиган вақти бўйича барчада савол туғилмоқда. Чунки, ҳеч ким тирбандликда туришни ва уларнинг рейси қачон келишини кутишни истамайди.

Кўп йиллардан бери жамиятда шахсий учиш аппаратини яратиш ҳақида ғоялар пайдо бўлган. Ҳозирча бундай шахсий учиш аппаратлари жуда ҳам қиммат, ишлатишга тайёр эмас ёки ҳаёт учун хавфли ҳисобланади.

Ҳиндистоннинг Бангалор университети профессори Chiranjith Barui ўзининг бир ўриндиқли вертолёт концептини яратди. Конструкциялашни тугатишдан аввал истеъмолчилар орасида сўров ўтказилди.

Истеъмолчиларнинг хоҳишлари, талаблари ва улар кутаётган харажатларнинг маълумотларига асосан, вертолётнинг 1:7 масштабдаги ишлайдиган модели яратилди. Афсуски, вертолётнинг ҳавода қанча учиб туриши ҳақида ва унинг қандай бошқарилиши ҳақида маълумотлар мавжуд эмас. Агарда лойиҳа муваффақиятли якун топса, келаётган йилларда учувчи билан бошқариладиган моделларни кўриш мумкин бўлади.