Мадриднинг «Реал» жамоаси футболчиси Серхио Рамос жамоа мухлисларига ўзи томонидан «Вольфсбург»га қарши ЕЧЛ чорак финалидаги жавоб учрашувида бор куч ишга солинишига ваъда берди. Биринчи ўйинда Зинедин Зидан шогирдлари сафардан 0:2 ҳисобидаги мағлубият билан қайтишганди.

«Реал» герби енгилмасдир, у бизни ғалабаларга ундайди. Олға, «Реал»!, дея ёзади футболчи ўз твиттерида.

Жамоаларнинг жавоб учрашуви 12 апрель куни бўлиб ўтади.