VPN-сервис билан шуғулланувчи АҚШнинг HMA компанияси катта ёшдаги америкаликлар орасида эркаклар ва аёллар интернетдаги хавфсизликка қандай ёндашишлари борасида жиддий тавофут аниқланган сўровнома ўтказди. Бу ҳақда Forbes нашри хабар бермоқда.

Сўровнома натижаларига кўра, эркаклар интернетда шахсий хавфсизликни таъминлашнинг техник жиҳатларига кўпроқ эътибор қаратадилар – улар VPN, почтани шифрлаш дастурлари, IP ниқоблаш, пароллар менежери, икки поғонали аутентификация ва браузерлар учун хавфсизликни кучайтирувчи кенгайтмалардан фойдаланадилар. Аёллар эса ўз навбатида махфийлик созланмалари ва ўзларининг тармоқдаги хатти-ҳаракатларидан кўпроқ хавотирланадилар.

Шу билан бирга эркаклар тармоқда муаммоларга дуч келганлари ҳақида кўпроқ хабар берадилар – уларда аёллардан кўпроқ (5 фоиз) аккаунтлар фишинги ва зарарли дастурни ўрнатиш билан боғлиқ муаммолар юзага келган. Аёллар бундай муаммоларнинг пайдо бўлишидан кейин ўзларининг тармоқдаги хатти-ҳаракатларини истаброқ ўзгартирадилар.

Сўровнома натижаларига кўра шу келиб чиқадики, тармоқда кўпроқ шахсий хавфсизликни таъминлаш учун фойдаланувчилар хабар қилинаётган маълумотнинг характерига эътиборлироқ муносабатда бўлишлари ҳамда тармоқ ҳимоясининг техник жиҳатларигагина таянмасликлари лозим.