«Вольфсбург» жамоаси бош мураббийи Дитер Хеккинг Мадридда ЕЧЛнинг чорак финали доирасида «Реал»га қарши ўтказиладиган жавоб учрашуви (биринчи баҳсда 2:0 ҳисобидаги ғалаба қайд этилган) олдидан матбуот анжуманида иштирок этди.

«Биз биринчи учрашувда ҳурматга лойиқ ўйин намойиш этдик. Жавоб учрашувидан сўнг, бизни ҳурмат қиладиганлар сони кескин ортиши мумкин. Барчаси ўзимизга боғлиқ. Биз ўз ўйинимизни кўрсатмоқчимиз, стадионга кимнинг қанча мухлиси келиши аҳамиятга эга эмас.

Бизга яна бир марта фавқулодда ажойиб кун керак ва биз Чемпионлар Лигасидаги юришимизни давом эттиришни истаймиз. Топшириқни адо этишни кутиб сабримиз чидамаяпти. Биз бу тўсиқдан ўтсак, тарихга киришимиз мумкинлигини жуда яхши англаб турибмиз», – дейди Хеккинг.