Ўзбекистонда Apple компаниясининг энг сўнгги смартфони бўлмиш iPhone SE сотуви бошланди. Унинг нархи 3,9 млн. сўмдан 4 млн. сўмгача деб баҳоланган. Бу ҳақда Mobinfo.uz маълумотига асосланиб, “Sputnik Узбекистан” хабар бермоқда.

Пойтахтдаги мобиль техникаси билан савдо қилувчи сотувчининг айтишича, янгилик одамлар орасида ҳеч қандай шов-шув кўтармаган. Бунга сабаб унинг қиммат нархи этиб келтирилган. АҚШнинг ўзида iPhone SE’нинг 16 Гбли версияси 400 долларга сотилмоқда. “Бундан келиб чиқадики, Ўзбекистонда ушбу смартфон икки баравар қимматга сотилмоқда”, деб ёзади нашр.