Америкалик машҳур режиссёр Стивен Спилберг яҳудий католиклари тўғрисида фильм суратга олмоқда. Фильм номи - "Эдгар Мортаранинг ўғирланиши". Бу ҳақида The Hollywood Reporter нашри хабар берди.

Лойиҳа ҳақида 2008 йилдан бери айтиб келинаётганди. Сценарий муаллифи - Спилберг билан "Линкольн" ва "Мюнхен" картиналарида ҳамкорлик қилган Тони Кушнер.

Фильм реал ҳодисаларга асосланган. Сюжетга кўра, 1858 йилда Болоньяда (Италия) полиция олти ёшли яҳудий болани оиласидан олиб кетади. Уни католик қилиб ўстиришади, натижада Эдгар Мортар руҳоний бўлади.

Фильмдаги роллардан бирини Спилбергнинг "Жосус кўприги" картинасидаги ижроси учун "Оскар" мукофотини қўлга киритган Марк Райлэнс ижро этади. Энди у Пий IX сиймосида гавдаланади.

Манбанинг маълум қилишича, суратга олиш ишлари 2017 йилнинг дастлабки ойларида бошланади.