Канада, Россия ва Швеция геофизиклари биргаликда азалий масалани ҳал қилишди - олимлар Колумбия ва Родиния қадимий суперконтинентлари қачон ва қай тарзда бирлашганига изоҳ беришди. Муаллифларнинг тадқиқотлари Nature Geoscience журналида нашр этилган. Бу ҳақида Вайоминг университети (АҚШ) сайтида маълумот берилди.

"Бу янги тадқиқотда биз Лаврентия шимоли (Шимолий Америка) ва Сибирь жануби тахминан 1,2-1,9 миллиард - 700 миллион йил илгариги давр ичида бирлашишган, деган хулосага келдик", - деди Вайоминг университетидаги ҳаммуаллиф Кевин Чемберлен.

"Геологлар детективлар кабидир. Афтидан биз жиноят жойига воқеадан кейин келганмиз ва унинг бўлакларини бирлаштириб йиғиб чиқдик", - деди Чемберлен.

Тадқиқотда олимлар замонавий қитъаларнинг турли ҳудудларида аввал бир-бирига алоқадор бўлган бир хил жисм намуналарини топишган. Уларнинг жойлашуви, тузилиши ва кимёвий таркиби умумий келиб чиқишига эга. Бу уларнинг илгари бир бутун бўлганидан далолат беради, хусусан, бирлашган суперконтинент таркибига кирган.