«ПСЖ» клуби етакчиси Златан Ибраҳимович жамоасининг ЕЧЛ чорак финал жавоб ўйинида «Манчестер Сити»га 0:1 ҳисобида учралган мағлубиятидан кейин жамоа бош мураббийи Лоран Блан томонига эътирозларини билдириб ўтди.

«Биринчи таймда биз янги тактикада ўйнадик. Биз бундай тактикани синовдан ўтказмасдан ўйиннинг ўзида қўллашимизга тўғри келди. Лекин бўлганчи бўлиб бўлди. Агар бу тактика фойда берганида, ҳеч ким ҳеч нарса демасди. Энди эса одамлар ўйинни рақибга бой берганимиз ҳақида гапиришади.

Иккинчи бўлимда нисбатан яхши ўйин кўрсатдик. Чунки, аввалги тактикага қайтгандик.

Мен ўз жамоамни «Манчестер Сити»дан кучлироқ деб биламан. Лекин амалда, икки ўйинда ҳам ютқаздик. Шундай экан, кейинги босқичда уларда омад тилаб қоламан», — дейди Ибраҳимович.