Франциянинг «ПСЖ» клуби бош мураббийи Лоран Блан Европа чемпионлар лигасининг 1/4 финал «Манчестер Сити»га бой берилган ўйин (0:1) борасида фикр билдириб ўтди.

«Биз вазиятлардан фойдаланишда самарали ҳаракат қила олмадик. «Сити» футболчилари эса аксинча, ўз имкониятларидан унумли фойдаланиб қолишди.

Чемпионлар лигасининг бу босқичидан чиқиб кетишимизда бор айбни ўз зиммамга оламан. Бу менинг айбим.

Афсус қиладиган нарсаларимиз бор албатта. Мисол учун, бугун футболчилар қўлидан келган барча ишни амалга оширишганди. Ўйин ҳақида тўлиқ хулоса чиқариш учун эса уни диққат билан кўриб чиқиб, қайта таҳлил қилиб чиқишимиз керак бўлади», – деди Блан.