«Бенфика» жамоаси бош мураббийи Руй Витория «Бавария»га қарши ўйиндан олдин ўз фикрларини билдириб ўтди.

«Биз дунёнинг энг кучли жамоаларидан бири бўлган бу жамоага қарши яхши ҳимоя ташкил этишимиз керак. Улар турнирда ғолиб чиқиш учун асосий даъвогарлардан бири. «Бавария» сафарда ҳам уйда ўйнагани каби ҳаракат қилади. Ҳозирча майдонга Николас Гайтанни тушира олишим аниқ эмас. Буни ўйин бошланиши арафасида аниқ айтишим мумкин.

Биз Мюнхендаги биринчи ўйинда ғалаба қила олмагандик, лекин биринч ўйинда тактик жиҳатдан тўғри ҳаракатлар амалга оширгандик. Биз «Бавария» ўйин сценарийсини ўзи истаган йўсинга бура олиши мумкинлигини биламиз, бунга уларнинг таркибида савияли футболчилар борлиги имкон беради.

Агар биз уларга ўзи истаган ўйинни кўрсатишга йўл қўймасак, улар бошқа йўл қидиришади.

Мюнхендаги ўйинда бизни 5 минг мухлис қўллаб-қувватлаб турганди. Уй ўйинимизда эса стадион мухлисларимиз билан тўлиши керак. Бу жуда муҳим», — дейди мураббий.