12-13 aprel kunlari Toshkent shahrida ShHTga a'zo davlatlar ekspert guruhining majlisi o‘tkazildi.
Majlis davomida O‘zbekiston raisligida bugun o‘z ishini boshlaydigan Qirg‘izston, Qozog‘iston, Rossiya, Tojikiston, Xitoy va O‘zbekiston Xavfsizlik kengashlari kotiblarining navbatdagi uchrashuviga tayyorgarlikning amaliy jihatlari muhokama qilindi.
Ekspertlar kun tartibi, xavfsizlik kengashi kotiblari uchrashuvining yakuniy hujjati loyihalarini ko‘rib chiqishdi.